ابو ذيات حصريا

موضوع: ابو ذيات حصريا الإثنين مارس 10, 2008 2:35 am

سكر كآس الخمر من ضاك نفسك
واكو غيرك حلو بس ماكو نفسك
اريدك يا حبيبي تبوس نفسك
بس بداخلك تنويها اليه

لساني كبال حلو الطول لك لك
وحذرك لا تكلي النوب لك لك
لغيرك ما يصير الكلب لك لك
لأن انت شراكة وياي بية

صاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه

هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه

اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية

مثل جنح الفراشة شفاك ورقه
وربيع الشوق مـنك راد ورقه
كل بسمه حبيبي انطيـك ورقه
واذا ضحكة غنج دفتر هديــه